ವಿವ ನ್ಯೂಸ್ ಕನ್ನಡ - ಇದು ಸುದ್ದಿಗಳ ಡಬ್ಬಿ

ದಾವಣಗೆರೆ–ಮಂತ್ರಾಲಯ ಹೊಸ ಹವಾನಿಯಂತ್ರಿತ ಬಸ್ ಸೇವೆ ಪ್ರಾರಂಭ

ದಾವಣಗೆರೆ: ದಾವಣಗೆರೆಯಿಂದ ಮಂತ್ರಾಲಯಕ್ಕೆ ಹೊಸ ಹವಾನಿಯಂತ್ರಿತ (AC) ವೋಲ್ವೋ ಬಸ್ ಸೇವೆ ಇಂದಿನಿಂದ ಪ್ರಾರಂಭಗೊಂಡಿದೆ. ಈ ಸೇವೆಯನ್ನು ಸಂಸದೆ ಪ್ರಭಾ ಮಲ್ಲಿಕಾರ್ಜುನ ಉದ್ಘಾಟಿಸಿದ್ದಾರೆ. ಅವರು ನಗರದ ಕೆ.ಎಸ್.ಆರ್.ಟಿ.ಸಿ ಬಸ್ ನಿಲ್ದಾಣದಲ್ಲಿ ಹಸಿರು ನಿಶಾನೆ ತೋರುವ ಮೂಲಕ ನೂತನ ಬಸ್ ಚಾಲನೆ ನೀಡಿದರು. ಸೇವೆಯ ವಿವರಗಳು: ಬಸ್ ದಾವಣಗೆರೆ, ಚಿತ್ರದುರ್ಗ, ಚಳ್ಳಕೆರೆ, ಬಳ್ಳಾರಿ ಮಾರ್ಗವಾಗಿ ಮಂತ್ರಾಲಯ ತಲುಪಲಿದೆ. ದಾವಣಗೆರೆ ನಿಲ್ದಾಣದಿಂದ ರಾತ್ರಿ 9ಕ್ಕೆ ಹೊರಟ ಬಸ್ ಬೆಳಗಿನ 4 ಗಂಟೆಗೆ ಮಂತ್ರಾಲಯ ತಲುಪಲಿದೆ. ಮಂತ್ರಾಲಯದಿಂದ ಹಿಮ್ಮೆಳಗಿನಿಂದ ಸಂಜೆ 6ಕ್ಕೆ ದಾವಣಗೆರೆ ನಿಲ್ದಾಣ ತಲುಪಲಿದೆ. ಈ ಮಾರ್ಗದ ಅಂತರ 325 ಕಿ.ಮೀ ಆಗಿದ್ದು, ಪ್ರಯಾಣ ಸಮಯ ಸುಮಾರು 7 ಗಂಟೆಗಳಾಗಿದೆ.

ಪ್ರಯಾಣ ದರ: ದಾವಣಗೆರೆ – ಮಂತ್ರಾಲಯ: ರೂ. 600 ಚಿತ್ರದುರ್ಗ – ಮಂತ್ರಾಲಯ: ರೂ. 547 ಚಳ್ಳಕೆರೆ – ಮಂತ್ರಾಲಯ: ರೂ. 515 ಬಳ್ಳಾರಿ – ಮಂತ್ರಾಲಯ: ರೂ. 296 ಸೇವೆಯು ಪ್ರತಿನಿತ್ಯ ಲಭ್ಯವಿದ್ದು, ಪ್ರಯಾಣಿಕರಿಗೆ ಆರಾಮದಾಯಕ ಹಾಗೂ ಸುಲಭ ಪ್ರಯಾಣದ ಅವಕಾಶ ನೀಡಲಿದೆ. ಉಪಸ್ಥಿತ ಅಧಿಕಾರಿಗಳು: ವಿಭಾಗೀಯ ನಿಯಂತ್ರಧಿಕಾರಿ ಬಿ.ಎಸ್. ಶಿವಕುಮಾರಯ್ಯ, ಮಾರ್ಗ ನಿಯಂತ್ರಣಾಧಿಕಾರಿ ಫಕ್ರುದ್ದೀನ್, ಜಿಲ್ಲಾ ಪಂಚಾಯತ್ ಯೋಜನಾ ನಿರ್ದೇಶಕಿ ರೇಷ್ಮಾ ಕೌಸರ್ ಹಾಗೂ ವಿವಿಧ ಇಲಾಖೆಗಳ ಅಧಿಕಾರಿಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.